How to get the most out of the internship year !
أشهر كلمة بنسمعها من أطباء الامتياز عموما
"احنا ما بنتعلمش حاجة فى امتياز والنواب مابيعلموش حد حاجة "
الصراحة ،،،،
الكلام دا جزء كبير منه صحيح جدا و لكن ...
ايه الحل ؟
الحل بسيط جدا
أولا
انت هتروح فى الأول تتفرج و تراقب و تلاحظ فقط just observe
ثانيا
هتروح تقرا الموضوع اللى انت شفته سواء فى العيادة الخارجية أو فى المرور فى القسم أو فى غرفة العمليات مثلا سواء كان اسم علاج أو اسم عملية جراحية أو أى إجراء طبى ما ....
ثالثا
ذاكر كويس الHistory taking &examination و مر على الحالات قبل النائب و خد history كويس من الحالات و اعمل examination كويس للحالات و اقرا ال diagnosis المكتوب على التذكرة أو ملف الحالة من فوق
اطبع ملف صغير جدا او فى ورقة أو اتنين موضوعات
History taking and clinical examination بحيث ما تنساش لحد ما تتعود انه تستخدمهم من الذاكرة
رابعا
هات معاك و انت فى المرور (و قبل المرور ) داخل القسم drug index وكتاب therapeutics كويس و تعال قبل النايب (الطبيب المقيم بالقسم ) و مر على الحالات و التذاكر و افعل ايه الأدوية المكتوبة كويس للحالات و ايه indication و ال contraindicationللأدوية دى مع فهمك طبعا لل diagnosis و ال management بتاع كل حالة كويس زى ماهو مكتوب فى ملف الحالة و بكدا تكون جاهز و فاهم كويس ايه اللى بيتقال فى المرور كويس و متبقاش واقف تايه ...
دلوقتى فى الوقت الحالى فى تطبيقات ممتازة على الموبايل زى
BNF
Drug guide
medscape
و غيرها الكثير جدا
خامسا
متفوتش أيام الطوارئ سواء طوارئ الباطنة و الجراحة و الأطفال ممكن فى الأول تقف تتفرج و تسمع و تلاحظ كويس جدا فى الأول و بعد كدا تروح برضه و تقرا الحالة كويس جدا و تفهمها بحيث تعرف تتعامل معاه لو جتلك فى عيادتك الخاصة أو فى الاستقبال و غيرها ؟
ماتنامش إلا لما تذاكر الموضوع دا
ماتنزلش المستشفى إلا لما تذاكر الموضوع دا
ما تقفش فى الإستقبال إلا لما تذاكر الموضوع دا
ماتشتغلش فى الحوادث إلا لما تذاكر الموضوع دا
ماتكشفش على عيان إلا لما تذاكر االموضوع دا
ماتطلعش من إمتياز إلا لما تذاكر الموضوع دا
ايه هوا " الموضوع دا "
دول ببساطة شديدة جدا
ABCDE approach
لأى حالة هتقابلها فى حياتك و ازاى تبدأ تتعامل معاها خصوصا حالات الطوارئ و حالات الحوادث
مكتوبة بطريقة ظريفة جدا مختصرة شيقة صور توضيحية ..
لاغنى عنها لأى طبيب
ممكن بال approach دا تنقذ حياة عيان أو تحافظ عليه من مضاعفات أو إعاقات كانت ممكن تتسبب له
عشرين ورقة مش هياخدوا من وقتك كتير
نزلهم أقراهم اطبعهم و افهم
و اعمل لايك و شير عشان كلنا ناخد الثواب و كلنا نستفيد
مذكرة ABCDE APPROACH
: سادسا
اعمل لنفسك لستة بالمهارات و الحالات اللى عاوز تتعلمها كويس فى الامتياز و حطها معاك بحيث لما تتعلم حالة أو مهارة أو غيرها اعمل عليها علامة صح و احنا ان شاء الله من خلال البوستات القادمة هنحاول ننشرها بشكل مجمع
بس أهم حاجة المهارات و الحالات و المعلومات الأساسية اللى تلزمك كممارس عام GP فى حالات الأطفال و الباطنة و الجراحة و النسا و الأنف و الأذن و الرمد لانك لازم تاخد فكرة عامة عن كل التخصصات دا أولا و لأنك هتقضى فترة التكليف من سنة لسنتين فى التكليف هتحتاج المهارات و المعلومات دى و تستخدمها بشكل كبير جدا .....
سابعا
روح المستشفى و انت هدفك تتعلم مهارة معينة أو حالة أو عملية جراحية أو اجراء طبى معين بحيث تبقى رايح بهدف معين مش رايح بدون هدف و خلاص يعنى مثلا أنا عاوز أروح اتعلم النهاردة فى طوارئ الأطفال management of asthma
أو مثلا أنا هنزل النهاردة عيادة الجراحة العامة الخارجية عشان اتعلم abscess drainage
عاوز انزل النهاردة اتعلم مهارة ال cannulation و هكذا بحيث لو حطيت لنفسك فى كل يوم هدف أو حاجة تتعلمها بنهاية الامتياز هتكون اتعلمت حاجات كتير جدا بدون تضييع وقت كبير فى الامتياز
ثامنا
حدد لنفسك انك تتعلم مهارات معينة فى امتياز (حطيناها فى بوست سابق و هنحاول نراجعه و ننشره مره أخرى ) و اجتهد كويس انك تتعلمها بأى شكل من طبيب من ممرض من فنى من زميل من أى حد المهم تتعلم و متضيعش وقت
تاسعا
اقرا كتير و دور كتير عشان تتعلم سواء فى ال general practice أو فى التخصص اللى انت عاوز تتعلمه اقرا فى الزمالة البريطانية فى التخصص أو فى المعادلة الأمريكية و متضيعش وقت
عاشرا
استغل الوقت اللى فاضل بعد كدا انك تقعد فى تخصص معين و تفضل فيه حتى نهاية الإمتياز لان غالبا المهارات الأساسية و الحالات اللى انت عاوز تتعلمها فى امتياز مش هتاخد منك أكثر من ثلاثة أو أربع أشهر بالكثير فياريت تستغل الوقت اللى فاضل و تروح تلزق فى القسم اللى هتاخد فيه التخصص و تروح تحضر فيه العيادات و العمليات و المرور و العناية و الطوارئ وكل مايتعلق به و فى نهاية
امتياز هتبقى زيك زى النايب بالضبط ،،،،،
(يتبع)
#سنة_امتياز_طب
#مشروع_اعادة_احياء الصفحة_مرة_أخرى
_#Internship_period_guide_for_Egyptian_postgraduates
Comments
Post a Comment